Home>>Vetja>>6 arsyet kryesore pse ndodh cikli i çrregullt menstrual
Vetja

6 arsyet kryesore pse ndodh cikli i çrregullt menstrual

Cikli i çrregullt menstrual është një shqetësim sot për shumë femra. Dhe arsyet se pse cikli vonohet nuk ka të bëjë domosdoshmërisht me një shtatzëni të mundshme. Arsyet kryesore të vonesës së ciklit menstrual janë:

– Humbje e madhe peshe ose ushtrime të shumta fizike – Problemet me humbjet e mëdhaja në peshë apo me ushtrimet e shumta fizike mund te shkaktojne cikël menstrual të vonuar, pasi organizmi nuk ndihet në formën e vet natyrale, ka pësuar ndryshime dhe duhet pak kohë derisa çdo gjë të kthehet sërish në normalitet.

– Stresi është një ndër arsyet kryesore edhe për vonesën e menstruacioneve, pasi trupi jep sinjale të një gjendjeje jo normale, që shkakton shpesh edhe vonesë në cikël.

– Çrregullime të tiroideve – Tiroidet janë përgjegjëse edhe për metabolizmin e organizmit tuaj si dhe kanë lidhje me shumë sisteme të tjera në trup. Prandaj nëse keni çrregullime të tiroideve, duhet ti kuroni pasi ato shkaktojnë edhe vonesa në ciklin menstrual.

– Intoleranca ndaj glutenit – Nëse jeni një person që vuani nga intoleranca ndaj glutenit por nuk jeni kujdesur siç duhet për veten dhe keni konsumuar ushqime me gluten, kjo shkakton edhe vonesë apo çrregullime të ciklit menstrual.

– Medikamentet kundra shtatzanisë – Nëse ju përdorni ndonjëherë medikamente të caktuara që janë kundra shtatzënisë, ato krijojnë shpesh edhe çrregullim të ciklit menstrual. Në këtë kategori nuk hyjnë kontraceptivët, por më tepër pilulat që veprojnë pas një shtatzanie të padëshiruar.

– Menopauza e parakohshme – Ka gra që megjithëse ne moshë te re, kalojnë menopauzën e parakohshme, duke filluar rreth moshës 40 vjeç, gjë e cila lidhet drejtpërdrejtë edhe me ndërprerjen e ciklit menstrual./preferenca-al/supergrate.net/